Viking

Article in other languages:

Vilatge viking

Los vikings, apelats tanben normands, son un grop etnic originari d'Escandinàvia. Lor nom significa 'òmes de la mar' o 'del nòrd'. Foguèron coneguts dins tota Euròpa per lor supremacia navala, que lor permetèt de conquistar de ciutats costièras e lor legenda d'incursions crudèlas es encara uèi rebrembada. Pendent fòrça ans sometèron Anglatèrra, lo nòrd de França (s'establiguèron dins la region actualament coneguda coma Normandia) e lo sud d'Itàlia, e se crei que foguèron los primièrs europèus qu'arribèron fins al continent american. Eric lo Roge o Leif Ericsson (primièr europèu qu'arribèt en America, e i fondèt la colonia de Vinland), foguèron de personalitats vikingas famosas.

Pòbles vikings

Mapa de l'expansion viking

Aquestes pòbles, coma los grècs, abitavan una geografia fòrça segmentada qu'al cant del clima e la menaça (o temor) d'animals carnivòrs, èra fòrça dificila la comunicacion per tèrra. Aquò los obliguèt a navegar. Se pòt destriar tres grops de vikings:

  • Daneses: gràcias a lor granda organizacion militara faguèron de ràzzias nombrosas dins la tòca d'aténher de butins o capturas. Foguèt lo pòble pus nombrós. Abitavan dins las peninsulas de Jutlàndia e d'Escània e dins las illas situadas entre la mar Baltica e la mar del Nòrd. Aquò lor donava un avantatge estrategic màger que lor permetiá de dominar las rotas del comèrci, coma la de Constantinòple. En Danemarc s'es trapat de rèstas de fortificacions, de la fin del periòde d'apogèu viking, ont se podián concentrar de tropas nombrosas. Las fortificacions son circularas e son devesidas en quatre quadrants. Las encenchas fortificadas son fòrça precisas gràcias a l'òrdre viking e a las coneissenças en geometria qu'i aviá a la cort del rei danés. Un exemple d'aquest tipe d'implantaments es la Haithabu antica.
  • Norvegians: al començament naveguèron las mars e rius amb tòca pacifica, mas ne cambièron puèi per d'incursions pus importantas que las dels daneses, amb tòca de conquista. Son coneguts per èsser fòrça bons navegaires; en fach, foguèt tanben en Norvègia que se gardèt la tradicion navala. Se pòt soslinhar que los norvegians controtlèron la mar del Nòrd, faguèron de viatges per l'ocean Atlantic, naveguèron -coma los suedeses-, per de rius grands, e concorrèron amb los arabis dins la mar Mediterranèa.
  • Suedeses: faguèron de viatges longs a travèrs las mars entre los sègles VIII e XI, per tot lo nòrd e lo sud d'Euròpa, e fondèron un Estat novèl conegut avuèi amb lo nom de Russia. Se pensa qu'arribèron fins a tèrras bodistas, pr'amor que entre d'autres tresaurs, se n'es trapat una estatua del Boda.

Recuperada de « http://oc.wikipedia.org/wiki/Viking »

Questions for article: viking reenactment festival, anglo-saxon/viking battle depictions, arkeologi om freydis, artesanato shetland, az osebergi hajó az oslói hajómúzeumban, ไวกิง, celts, reintroduced, viking, king edward, anglo saxon, freydis eiriksdottir, freydis eiriksdottir maps of voyages travelled, human being genetics shetland islands, scotland year 2007, kerajaan carolingian

This article is from Wikipedia. All text is available under the terms of the GNU Free Documentation License.


IHS Europe: Infrared Heating Systems for Home and Business.